Post #1509

📣ҚДБ мен «Талдықорған акционерлік көлік-электр желілері компаниясы» АҚ 9,16 млрд теңге көлемінденесие желісін ашу туралы келісім жасасты. 🔹 Қаражат «ЭКСЖ» ұлттық жобасы аясындағы инфрақұрылымдық жобалар кешенін іске асыруға бағытталады. 🔹 Қаржыландыру Жетісу облысының елді мекендеріндегі электр желісі инфрақұрылымын қайта жаңғырту мен жаңартуды қамтиды. Атап айтқанда, Талдықорған, Үштөбе, Сарқан қалалары, сондай-ақ Көксу, Қаратал, Ескелді, Кербұлақ және Ақсу аудандары қамтылады. 🔹 Жоба аясында әртүрлі кернеудегі 465 шақырымнан астам электр беру желісі жаңартылып, кабель желілері жаңғыртылады, сондай-ақ екі негізгі қосалқы станса қайта жаңартылады. 🔹 Бұл – Банк тарапынан «ЭКСЖ» аясында қолдау көрсетілген, табиғи монополиялар субъектілерінің қатарындағы екінші жоба. Аталған жобалар желімен қамтылған өңірлерде жалпы саны 1,5 миллионнан астам халыққа қызмет көрсетуге мүмкіндік береді. 🔹 Нысандарды пайдалануға беру 2027 жылғы қаңтарға жоспарланған. Instagram | Facebook | YouTube | Сайт