Post #2420

ДЕРЕКОЙ 1896 с. Дерекойде оджалыкъ эткен къазантатар маарифчиси Фатих Каримий(1870-1937) Къырымгъа, «Терджиман»нынъ 20 йыллыгъына кельгенде, бир даа Ялтаны да зиярет эте. Бу акъта о «Къырымгъа сеяат» эсеринде яза ве Дерекойни де анъып кече: 📖Ялтанынъ шималь тарафында, шеэрден бир верст къадар месафеде, гузель манзаралы ве азаматлы дагълар арасында Дерекой деген эки мааллели бир мусульман кою бар. Дерекой мусульманлары Къырымнынъ Къара денъиз боюндаки зенгин ве медениетли татарлардан олып, тиджарет, маариф ве фикир джеэтинден олдукъча илеридедирлер. Мешгъулиетлери, эксериет итибары иле –багъчаджылыкъ ве дутчылыкътыр. Бир къысымы Ялтада тиджаретнен огъраша. Балаларына тасиль ве тербие бермек тарафына да буюк эмиет берелер. Маалле халкъы кенди араларында акъча джыйып, Дерекойде таштан учь къатлы гъает гузель бир мектеп къура, дёрт-беш муаллим тута… Дерекойде мен де эки йыл муаллимлик яптым. Ф. Каримий. «Мырза къызы Фатиме» китабындан