Post #3290

📣Oliy Majlisda ochiq muloqot: Deputatlar va media hamkorligining yangi bosqichi boshlandi! 👍 Kecha Oliy Majlis Qonunchilik palatasida “Zamonaviy jurnalistikani rivojlantirish markazi” hamda Buyuk Britaniya hukumati (FCDO) tomonidan moliyalashtirilayotgan EGED dasturi hamkorligida “Deputatlarning samarali muloqotlari: media va jamoatchilik bilan ishlash strategiyalari” mavzusida davra suhbati bo‘lib o‘tdi. Asosiy maqsad: Deputatlar va OAV o‘rtasida ochiq muloqotni mustahkamlash, parlament faoliyatining shaffofligini oshirish hamda jamoatchilik fikrini samarali yetkazish mexanizmlarini muhokama qilish. ➡️ Davra suhbatida deputatlar, jurnalistlar va taklif qilingan ekspertlar bilan quyidagi mavzular muhokama qilinib, maxsus sessiyalar o‘tkazildi: • Deputatlar va OAV hamkorligi: Samarali muloqot madaniyatini shakllantirish, jurnalistlar talabini o‘rganish va o‘zaro ishonchni mustahkamlash yo‘llari; •Iqtisodiy tahlil va ochiq muloqot: Iqtisodiy islohotlar va Davlat byudjeti muhokamalarini yoritish hamda parlamentga ishonch, oshkoralik va hisobdorlik mavzusida deputatlar bilan “Ochiq mikrofon” formatidagi savol-javob sessiyasi; • Inqirozli PR va axborot xavfsizligi: Obro‘ni boshqarish, salbiy sharhlarga javob berish hamda media makondagi dezinformatsiya va manipulyatsiyaga qarshi kurash strategiyalari; • Parlament va AI: Parlament faoliyatida va kommunikatsiyada Sun’iy intellektdan foydalanish; Tomonlar parlament faoliyatining ochiqligini ta’minlash va sifatli media kontentlar yaratish bo‘yicha amaliy hamkorlikni davom ettirishga kelishib oldilar. #OliyMajlis#Media#OchiqMuloqot#Deputatlar#EGED#FCDO#MJDC