Post #1188

Камила Аймукашева — Ислам ойындарының қола жүлдегері! 57 келіге дейінгі салмақ дәрежесінде сынға түскен спортшымыз қола жүлдені Гамбия өкілі Мария Саинабоу Марчлинскимен сарапқа салды. Екеуара кездесу 3 раундқа созылып, отандасымыз 2:1 есебімен басым түсті. Айта кетерлігі, Аймукашева бүгін барлығы 4 кездесу өткізді. Алғашқы айналымда Нигер спортшысын, ширек финалда әлем чемпионатының жүлдегері Фадия Хирфанды (Иордания) жеңді. Жартылай финалда Олимпиада ойындарының жүлдегері Хадидже Кюбраға есе жібергенімен, қола жүлде үшін кездесуде басымдық танытып, ел қоржынына қола жүлдені сыйлады.