Post #1242

Айдана Құмартаева Qatar Open 2025 рейтингтік халықаралық турнирінің чемпионы атанды Қазақстандық таеквондошы Айдана Құмартаева Қатарда өтіп жатқан рейтингтік халықаралық Qatar Open 2025 турнирінде топ жарды. Бұл оның Әлем чемпионатынан кейінгі алғашқы жарысы болды. Ширек финалда ол Селсабила Зедириді (Алжир), ал жартылай финалда Майсан Камкасумфуды (Франция) жеңді. Финалда спортшы үндістандық қарсыласы Вайшневамен кездесіп, 2:0 есебімен айқын басымдықпен ұтты. Айта кетерлігі, Құмартаева мен Вайшнева осыдан 20 күн бұрын әлем чемпионатының 1/16 финалында кездескен болатын. Жеңісті өз еншісіне шешкен Айдана Qatar Open 2025 жарысында 49 келіге дейінгі салмақ дәрежесінде чемпион атанды.