Post #1325

Тамерлан Тлеулес - таеквондодан (WT) 21 жасқа дейінгі спортшылар арасында Әлем чемпионатының қола жүлдегері 🥉 Кенияда таеквондодан (WT) 21 жасқа дейінгі спортшылар арасында өтіп жатқан Әлем чемпионатында Қазақстан қоржыны қола жүлдемен толықты. Жарыстың екінші күнінде ұлттық құрама спортшысы Тамерлан Тлеулес қола жүлдегер атанды. Ерлер арасында 63 келіге дейінгі салмақта сынға түскен ол жартылай финалға дейін қарсылас шақ келтірмеді. Алайда, жартылай финалда түркиялық Айдоган Хамза Османға есе жіберді. Десе де, отандасымыз Тамерлан Тлеулес жартылай финалға дейін Грекия, Палестина, Оңтүстік Корея және Пуэрто-Рико спортшыларын жарыстан ығыстырып үлгерген болатын. Айта кетерлігі, таеквондодан 21 жасқа дейінгі жастар арасындағы Әлем чемпионаты 6 желтоқсанға дейін жалғасады. Әлем біріншілігіне барлығы 75 елден 500-ге жуық даянг шебері қатысуда.