Post #16

#BulgariaOpen Қазақстандық таеквондошылар халықаралық жарыста 14 медаль жеңіп алды Болгария астанасы София қаласында таеквондодан Bulgaria Open халықаралық жарысы өз мәресіне жетті. Қазақстан құрамасы аталған жарысты 14 медальмен аяқтады. Ерлер арасында 74 келіге дейінгі салмақта бақ сынаған Мақсат Орынбасар жарыста қарсылас шақ келтірмей, Bulgaria Open жарысының жеңімпазы атанды. Ол жартылай финалда әлем чемпионатының жүлдегері Кадырбеч Дауровты (AIN) жеңсе, финалда грециялық Хараламбос Флускоунистан 2:1 есебімен басым түсті. Ал Нодира Ахмедова (49 кг), Бектөре Оралханов (58 кг), Батырхан Төлеуғали (80 кг), Әзірет Дүйсенбек (54 кг), Нұрлан Мырзабаев (87 кг) күміспен күптелсе, Дамир Шуленов (68 кг), Мерген Ганиев (80 кг), Артур Серік (54 кг), Аманбол Бегимбетов (63 кг), Камила Аймукашева (62 кг), Нұрай Қазнабек (57 кг), Нұрай Бауыржанова (49 кг) және Айдана Сундетбай (53 кг)ел қоржынына қола жүлдені салды. Айта кетерлігі, Bulgaria Open халықаралық жарысына 27 елден 900-ден астам спортшы қатысты.