Post #2047

Ташкентте Алтай Таеквондо Одағының (Altaic Taekwondo Union) отырысы өтті. Оған Дүниежүзілік таеквондо федерациясының (World Taekwondo) президенті доктор Чунгвон Чоу және Altaic Taekwondo Union президенті Кудрәт Шамиев қатысты. Сонымен қатар іс-шараға Одаққа мүше елдер, атап айтқанда, Ресей, Түркия, Оңтүстік Корея, Моңғолия, Өзбекстан және Қазақстан өкілдері қатысты. Қатысушы мемлекеттердің өкілдері таеквондо саласында осындай бірлестіктің құрылуының өзектілігін атап өтіп, өңір елдерін бір алаңға жинаған алғашқы кездесуді ұйымдастырудағы бастамасы үшін Кудрәт Шамиевке алғыстарын білдірді. Отырыс барысында тараптар таеквондоны дамыту бағыттарын, халықаралық ынтымақтастықты нығайту мәселелерін, сондай-ақ алдағы спорттық іс-шараларға дайындықты талқылады.