Post #2057

World Taekwondo президенті доктор Чоу Одақты алда қызықты жаз маусымы күтіп тұрғанын атап өтті. Жақын уақытта екі маңызды іс-шара Алтай чемпионаты және ұйымның алғашқы Бас Ассамблеясы өткізіледі. Бас Ассамблея ағымдағы жылдың шілде айында Астана қаласында өтеді. Еске сала кетейік, 22–23 маусым күндері Астана қаласында алғаш рет Altaic Taekwondo Union аясында жастармен мен ересектер арасында таеквондодан чемпионат өтеді. Турнир Дүниежүзілік таеквондо федерациясының ресми күнтізбесіне енгізілген және G-1 санатында өтеді, бұл оның жоғары халықаралық мәртебесін айқындайды.