Post #2173

Таеквондодан (WT) Әлем чемпионаты: Қазақстан қоржынында алғашқы медаль Ташкентте таеквондодан жастар арасында өтіп жатқан Әлем чемпионатында Қазақстан қоржынына алғашқы медаль түсті. Ұлдар арасында 48 келіге дейінгі салмақ дәрежесінде сынға түскен Ерасыл Ерзат жарыстың қола жүлдегері атанды. Ол жарыс барысында барлығы бес кездесу өткізіп, төртеуін жеңіспен аяқтады. Атап айтқанда, Армения, Кот-д’Ивуар, Эквадор және Иран спортшыларын жарыс жолынан шығарды. Алайда, жартыылай финалда Оман спортшысы Аль-Юсуфи Дауд Фахадқа жол берді. Айта кетерлігі, бұл 16 жастағы Ерасылдың жастар арасындағы алғашқы Әлем чемпионаты және алғашқы жүлдесі. Ташкентте өтіп жатқан Әлем біріншілігіне барлығы 119 елден 1000-ға жуық жас даянг шебері қатысуда. Жарыс 17 сәуірге дейін жалғасады.