Post #2178

Ислам Медетбай – Таеквондодан Әлем чемпионатының қола жүлдегері Қазақстан таеквондошысы Ташкентте өтіп жатқан жастар арасындағы Әлем чемпионатында Қазақстан қоржынына екінші жүлдені салды. Ұлдар арасында 55 келіге дейінгі салмақ дәрежесінде бақ сынаған Ислам Медетбай үздік үштіктен көрінді. 16 жастағы таеквондошы Әлем чемпионатында жартылай финалға дейін Таиланд, Италия, Швеция және Мексика өкілдерінен басым түскен болатын. Айта кетердігі, бұған дейін Ерасыл Ерзат (-48 кг) қола жүлдегер атанған болатын. Ташкентте өтіп жатқан Әлем біріншілігіне барлығы 119 елден 1000-ға жуық жас даянг шебері қатысуда. Жарыс 17 сәуірге дейін жалғасады. Қазақстан таеквондо (WT) федерациясының баспасөз қызметі