Post #2396

Алидар Абдукаримов жастар арасындағы Әлем чемпионатының қола жүлдегері Ташкентте өтіп жатқан таеквондодан (WT) жастар арасындағы Әлем чемпионатында Қазақстан қоржыны тағы бір қола жүлдемен толықты. Үшінші қоланы ұлдар арасында 68 келіге дейінгі салмақ дәрежесінде сынға түскен Алидар Абдукаримов жеңіп алды. 16 жасар Алидар жарыстың жартылай финалында Аюбхон Набиевке (Өзбекстан) есе жіберді. Жартылай финалға дейін ол үш кездесу өткізіп, үшеуінде де жеңіске жеткен болатын. Әлем чемпионатының бесінші жарыс күнінің нәтижесі бойынша Қазақстан қоржынында бір алтын, үш қола жүлде бар. Қазақстан сапынан Айым Серікбаева Әлем чемпионы атанса, Ерасыл Ергеш пен Ислам Медетбай қола жүлдеге қол жеткізген болатын. Ташкентте өтіп жатқан Әлем біріншілігіне барлығы 119 елден 1000-ға жуық жас даянг шебері қатысуда.