Post #3

Таеквондодан Қазақстан ұлттық құрама командасы Bulgaria Open жарысына қатысады 1-3 наурыз күндері Болгария астанасы София қаласында таеквондодан Bulgaria Open әлемдік жарысы өтеді. Аталған жарыс бас бапкер Есбол Сұлтанов шәкірттерінің биылғы маусымдағы алғашқы әлемдік додасы болмақ. «Bulgaria Open біз үшін жаңа маусымдағы алғашқы ресми жарыс. Жарыс алдындағы соңғы дайындықты Алматы облысында пысықтап жатырмыз. Спортшылардың аяқ алысы жаман емес, жарысқа тыңғылықты дайын деуге де болады. Bulgaria Open биылғы әлем чемпионатына дайындық кезеңнің алғашқы жарысы болып саналады. Сондықтан негізгі және қосалқы құрам спортшылары жарысқа бірдей қатысуға мүмкіндік алды. Дәл осы жарыста жыл соңында жасақталған ұлттық құрама өкілдерінің әлемдік жарыстағы бабын байқайтын боламыз», - дейді бас бапкер Есбол Сұлтанов. Айта кетерлігі, ұлттық құрама өкілдері Алматыдан Софияға 27 ақпан күні аттанады.