Post #319

ҚАЗАҚСТАН ТАЕКВОНДО (WT) ҚҰРАМАСЫ АҚШ-ТА ӨТЕТІН GRAND PRIX CHALLENGE 2025 ТУРНИРІНІҢ АЛҒАШҚЫ КЕЗЕҢІНЕ ҚАТЫСАДЫ Таеквондодан (WT) Қазақстан ұлттық құрама командасы 13-15 маусым аралығында АҚШ-тың Шарлотт қаласында өтетін World Taekwondo Grand Prix Challenge халықаралық турнирінің алғашқы кезеңіне қатысады. АҚШ даянгында Қазақстан намысын 7 таеквондошы қорғайды. Олар: Тілеулес Темірлан (-58 кг) Оралханов Бектөре (-58 кг) Төлеуғали Батырхан (-80 кг) Газез Нұрбек (-68 кг) Хұсайынова Нұрай (-67 кг) Ахмедова Нодира (-49 кг) Бәкішева Рита (-49 кг) 💭 «Біз жарысқа жоғары деңгейде дайындалдық. Соңғы оқу-жаттығу жиынын Иранда өткізіп, Олимпиада чемпиондарымен бірге жаттығу және спарринг жасау мүмкіндігіне ие болдық. Бұл әсіресе жас спортшыларымыз үшін өте құнды тәжірибе болғанын айта кеткен жөн. Қазір ұлттық құрама спортшылары жақсы формада. Grand Prix Challenge - бұл рейтингте өз орныңды нығайтып қана қоймай, 2028 жылғы Лос-Анджелес Олимпиадасы алдындағы маңызды халықаралық тәжірибе алаңы екені сөзсіз», - деді таеквондодан (WT) ұлттық құраманың бас бапкері Есбол Сұлтанов. Аталған жарыс - әлемдік деңгейдегі тәжірибе мен рейтингтік ұпай жинауға мол мүмкіндік. Әр салмақ дәрежесінде үздік үштікке енген спортшылар 2026 жылы Рим қаласында өтетін World Taekwondo Grand Prix сериясының алғашқы кезеңіне тікелей жолдама алады. Айта кетерлігі, турнирге әлемнің 44 елінен 376 спортшы қатысады деп жоспарланған. #QazTkd