Post #359

🇰🇿 2025 жылғы 16 шілдеде басталатын ХХХІІ Жазғы Дүниежүзілік Универсиаданың ашылу салтанатында Қазақстанның Туын кім алып шығады? Бұл мәртебе Батырхан Төлеуғалиға бұйырды. 2006 жылы 25 шілдеде Аягөз қаласында дүниеге келген жас спортшы бүгінде ел намысын әлемдік ареналарда лайықты қорғап жүр. Өткен жылы ол Париж Олимпиадасына қатысып, жастар арасындағы халықаралық жарыстарда бірқатар жеңістерге қол жеткізген. Оның басты жетістіктері: – Жастар арасындағы Азия чемпионатының қола жүлдегері (Вьетнам, 2022) – Жасөспірімдер арасындағы әлем чемпионатының қола жүлдегері (Болгария, 2022) – G1 Austria Open турнирінің жеңімпазы (Инсбрук, 2022) – Жастар арасында Қазақстан чемпионы (Алматы, 2022) – G1 Turkish Open турнирінің жеңімпазы (Анталья, 2023) – Жасөспірімдер арасындағы Азия чемпионатының қола жүлдегері (2023) – VI жазғы Спартакиада жеңімпазы (Астана, 2023) Енді, міне, ол Қазақстан Туын көтеріп, Универсиаданың ашылуында ел атынан шығатын спортшы атанды. Бұл – оның еңбегінің, табандылығының және ел сенімінің көрінісі.