Post #482

Таеквондодан Kazakhstan Open 2025 жарысында Қазақстан намысын қорғайтын құрама анықталды 14–16 тамыз күндері Астанада таеквондодан (WT) Kazakhstan Open 2025 халықаралық рейтингілік турнирі өтеді. G-1 санатындағы бұл дода World Taekwondo ресми күнтізбесіне енген. Жарыстар Жақсылық Үшкемпіров атындағы Жекпе-жек сарайында ұйымдастырылып, 22 елдің мықтыларын, оның ішінде Олимпиада чемпиондары мен әлемдік рейтинг көшбасшыларын жинайды. Ересектер, жасөспірімдер және жастар арасында сынға түсетін Қазақстан құрамасының сапында әлем және Азия чемпиондары, Универсиада жеңімпаздары мен жүлдегерлері бар. Ересектер: • Батырхан Төлеуғали – 2022 және 2023 жылдардағы таеквондодан әлем чемпионаты мен Азия чемпионатының жүлдегері, 2025 жылғы Grand Prix Challenge (АҚШ) қола жүлдегері, 2025 жылғы President’s Cup (Қытай) қола жүлдегері, Дүниежүзілік Универсиаданың қола жүлдегері; • Самирхон Абабакиров – 2025 жылғы President’s Cup (Қытай) финалисі, 2025 жылғы Дүниежүзілік Универсиаданың чемпионы; • Азиза Караджанова – 2022 жылғы Дүниежүзілік гимназиаданың жеңімпазы, 2025 жылғы Austria Open турнирінің жеңімпазы, 2025 жылғы President’s Cup (Қытай) қола жүлдегері; • Нодира Ахмедова – 2025 жылғы Grand Prix Challenge (АҚШ) финалисі, Дүниежүзілік Универсиаданың қола жүлдегері; • Тамирлан Тлеулес – 2022 жылғы таеквондодан әлем чемпионатының финалисі, 2025 жылғы Дүниежүзілік Универсиаданың және Grand Prix Challenge (АҚШ) қола жүлдегері; • Айдана Сүндетбай – 2022 жылғы таеквондодан әлем чемпионатының күміс жүлдегері, Дүниежүзілік Универсиаданың қола жүлдегері; • Жавохирхон Исламов – 2022 жылғы таеквондодан әлем чемпионатының жүлдегері, 2024 жылғы әскери қызметшілер арасындағы әлем чемпионатының күміс жүлдегері; • Мария Севостьянова – әскери қызметшілер арасындағы 2 дүркін әлем чемпионы, 2 дүркін Азия чемпионатының күміс жүлдегері; • Рита Бакишева – 2022 жылғы таеквондодан Азия чемпионатының қола жүлдегері, 2017 жылғы жасөспірімдер арасындағы әлем чемпионатының қола жүлдегері, 2023 жылғы Дүниежүзілік Универсиаданың чемпионы, 2023 жылғы Austria Open турнирінің жеңімпазы; • Нұрай Құсайнова – 2022 жылғы таеквондодан Азия чемпионатының қола жүлдегері, әскери қызметшілер арасындағы әлем чемпионатының жүлдегері; • Бейбарыс Қаблан – 2025 жылғы Дүниежүзілік Универсиаданың қола жүлдегері, 2024 жылғы Ашық Азия чемпионатының жеңімпазы, 2025 жылғы Austria Open турнирінің жеңімпазы, 2023 жылғы Дүниежүзілік Универсиаданың қола жүлдегері