Post #798

Ресми: Қазақстанда таеквондодан (WT) 2027 жылғы Әлем чемпионаты өтеді 🔹Бұл туралы шешім бүгін Қытайдың Уси қаласында Дүниежүзілік таеквондо (WT) федерациясының Әлем чемпионаты аясындағы жиынында ресми түрде хабарланды. 🔹Бүгінде Уси қаласында әлемнің 179 елінен келген ұлттық құрамалар жарыс алдындағы соңғы дайындық жұмыстарын жүргізуде. Олардың қатарында Қазақстан құрамасы да бар. Отандастарымыз биылғы әлем чемпионатында барлық 16 салмақ дәрежесінде бәсекеге түседі. Есбол Сұлтанов бастаған командамыз осыдан бірнеше күн бұрын Қытайға келіп, жарыс алдындағы дайындығын пысықтап жатыр. 📌 Биылғы жаһан біріншілігінде қыздарымыз 8, ерлер 8 салмақ дәрежесінде жүлдеге таласады. Ең басты үміт ұлттық құрама үздіктері Батырхан Төлеуғали мен Самирхон Абабакировте. Екі спортшымыз да елімізде өткен Қазақстан Оупен жарысынан кейін, үлкен бәсекелерге қатыспай, назар мен күштің бәрін осы әлем чемпионатына аударған.