Post #800

Ертең, 24 қазан Қытайдың Уси қаласында таеквондодан (WT) Әлем чемпионаты басталады Жарыстың алғашқы күнінде қыздар 57 келіге дейінгі, ал ерлер 87 келіден жоғары салмақ дәрежесінде өзара мықтыны анықтайды. Қазақстан құрамасынан жарыс жолына алғаш болып Мария Севостьянова мен Бейбарыс Қаблан шығады. Мария Севостьянова бірінші кездесуін габондық спортшыға қарсы өткізеді. Ал Бейбарыс Қаблан жарысты екінші айналымнан бастайды. Оның қарсыласы Даниэл Пинейру (Португалия) мен Паско Божик (Хорватия) кездесуінде белгілі болады. Айта кетерлігі, Әлем чемпионатына барлығы 183 елден 991 таеквондошы қатысады. Усиде жалауын желбірететін Әлем біріншілігі 30 қазанға дейін жалғасады.