Post #1390

👌«Росатом» халықаралық KazAtomExpo ядролық технологиялар көрмесіне қатысты 27-28 тамызда Астанада өткен халықаралық KazAtomExpo ядролық технологиялар көрмесіне қатысқан «Росатом» ең көрнекті қатысушылардың бірі болды. Көрмеде Мемлекеттік корпорация ірі қуатты АЭС салу жобасын іске асыруға арналған озық технологияларды ұсынды. «Росатом» делегациясын «Русатом – Международная сеть» жеке мекемесінің бас директоры Вадим Титов басқарды. Ол «Әлемдік атом энергетикасының ағымдағы дамуы» пленарлық сессиясында сөйлеген сөзінде «Росатом» серіктестеріне АЭС салу жобасын іске асыру үшін ең озық технологияларын ұсынатынын атап өтті. «Біз Қазақстан Республикасындағы жобаны іске асыру үшін ұсынуға дайын технологиялардың қауіпсіздігі мен сенімділігіне сенеміз. Бұл III+ буын реакторлары, олар ядролық технологиялар саласындағы барлық тәжірибені ескереді. ВВЭР-1200 реакторы бұрыннан тексерілген инженерлік шешімдердің сенімділігін белсенді және пассивті қауіпсіздік жүйелерімен үйлестіреді, олардың бәрі «Фукусима» апатынан кейінгі талаптар негізінде жетілдірілген», - деді Вадим Титов. Іс-шараға әлемдік атом саласының жетекші технологиялық компаниялары, халықаралық және қазақстандық сарапшылар, Қазақстан Республикасының мемлекеттік органдары мен ғылыми қауымдастықтарының өкілдері қатысты. @rosatom_ca#жаңалықтар