Post #1929

«AtomSkills – 2025» кәсіби шеберлік чемпионатының оныншысы өз мәресіне жетті Іс-шара дәстүрлі түрде халықаралық форматта өтіп, Ресей, Қазақстан, Өзбекстан, Қытай, Түркия, Египет, Бангладеш, ОАР, Беларусь, Индонезия, Үндістан елдерінен келген 2000-нан астам қатысушы мен сарапшыларды жинады. Бес күн бойы AtomSkills-2025 чемпионатының негізгі және студенттік лигаларында 16 «Росатом» дивизиондары мен кәсіпорындары командаларының өкілдері, ірі отандық және шетелдік компаниялардың құрамалары, сондай-ақ студенттер өз мамандықтары бойынша үздік атану үшін бақ сынасты. Биыл AtomSkills чемпионатына қатысатын жоғары оқу орындары мен колледждер саны 70-ке жетті. Жиналғандарға сөз сөйлеген «Росатом» мемлекеттік корпорациясының бас директоры Алексей Лихачев чемпионатқа қатысушылардың барлығы жүлде мен орынға қарамастан жеңімпаз екенін атап өтті: «Сіздер – біздің мақтанышымыз, елдің технологиялық элитасы! Бұл жыл бүкіл атом өнеркәсібі үшін мерейтойлы. Біздің ел атомға ие болуы тиіс деген шешім қабылданғанына санаулы айлардан кейін 80 жыл толады». 🏆 Қазақстандық мамандар үздіктер қатарынан табылды: Қазақстанның ұлттық атом компаниясы – «Қазатомөнеркәсіп» АҚ қызметкерлері 7 медальға ие болса, Ұлттық ядролық зерттеу университеті «МИФИ» студенттері 2 медаль жеңіп алды. Атом саласының кәсіби мамандарын бірге құттықтап, қолдау білдірейік! Алға, жарайсыңдар ⭐️ @rosatom_ca