Post #1942

Диагностика және терапиядағы изотоптар💊 Изотоптар негізіндегі дәрілік заттар — ауыр аурулар кезінде, басқа емдеу әдістері (соның ішінде хирургиялық) тиімді болмаған жағдайда таптырмас көмекшілер. Бүгінгі таңда «Росатом» кәсіпорындарында 300-ден астам түрлі изотоп өндіріледі. Солардың ішіндегі ең қажеттерін атап өтейік: ✨Молибден-99 және технеций-99m (аналық және еншілес изотоптар) — ядролық медицинаны оларсыз елестету мүмкін емес. Бұл изотоптар негізінде жыл сайын ондаған миллион диагностикалық процедуралар жасалады. Олар онкологиялық, жүрек-қан тамырлары және неврологиялық аурулардың кең ауқымын анықтауға көмектеседі. Технеций-99m көмегімен адам ағзасындағы кез келген мүшені көруге болады. Кең таралған өнімдермен қатар, «Росатом» ядролық медицинаны дамытуға болашағы зор изотоптарды да жасап шығарады және бұл салада алдыңғы қатарда. Мысалы: ✨Актиний-225 – операция жасауға келмейтін онкологиялық ауруларды емдеуде жаңа үміт сыйлайды. Актинийдің көмегімен дәрігерлер зақымдалған жасушаларды жоғары дәлдікпен нысанаға алып, тіпті микрометастаздарға дейін жойып жібере алады. ✨Лютеций-177 – ең танымал изотоптардың бірі. Бұл изотоп негізінде әлемде ең көп клиникалық зерттеулер жүргізіледі. Оны онкологиялық аурулардың соңғы сатыларында, аса ауыр жағдайларда қолданады Натрий йодид-123 – қалқанша безінің йод сіңіру қабілетін және оның құрылымын зерттеу үшін диагностикалық құрал ретінде қолданылады. Бұл изотоп органның жоғары сапалы бейнесін қысқа мерзімде алуға мүмкіндік береді.