Post #2072

Солтүстік теңіз жолы: ашылулардан инновацияларға дейінгі 500 жыл Владивостокта өткен Шығыс экономикалық форумында «Көкжиектегі 500 жыл: ашылулардан инновацияларға дейінгі Солтүстік теңіз жолы» атты сессия өтті. Оған «Росатом» мемлекеттік корпорациясы қатысты. «Росатом» басшысы Алексей Лихачёв өз сөзінде Солтүстік теңіз жолының алғашқы зерттеушілерін қазіргі замандастармен салыстырып, СТЖ игерудің бес ғасырлық тарихы кейде қайғылы, бірақ сонымен бірге ерлікке толы шежіре екенін атап өтті. Арктикаға әрқашан сынақтарға дайын адамдар аттанған. Сондай-ақ ол бұл бағытты дамытуда мол тәжірибе жинақталғанын айтты. «Алайда СТЖ басқа көлік инфрақұрылымынан оқшау дамымайды. Жүк жөнелтуші, мейлі отандық болсын, мейлі шетелдік болсын, өзінің жүгі тек Кар қақпасынан Беринг бұғазына дейінгі 3000 теңіз милін құрайтын шағын учаскеде ғана емес, ұзындығы 8300 теңіз миліне созылатын бүкіл бағыт бойымен – батыс порттардан (Калининград пен Санкт-Петербургтен) Владивостокқа дейін немесе керісінше – қауіпсіз әрі уақытылы жеткізілетініне кепілдік алғысы келеді», – деді ол. Бұл үшін теміржол мен автомобиль жолдарын, өзен жолдары мен порттарды қамтитын бүкіл логистикалық инфрақұрылымды кешенді түрде дамыту қажет.