Post #2101

«Росатом» басшысы Алексей Лихачёв Қазақстанның Атом энергиясы агенттігінің төрағасы Алмасадам Сатқалиевпен келіссөздер жүргізді. Кездесу барысында Қазақстанда ресейлік жобалау үлгісіндегі АЭС салу мәселесі талқыланды. Тараптар Қазақстанда қуаты жоғары алғашқы атом электр станциясын салуға қатысты ағымдағы және болашақтағы тақырыптар бойынша, соның ішінде жобаның шарттық-құқықтық негізін қалыптастыру мәселелері жөнінде егжей-тегжейлі «сағаттарын салыстырды». Кездесу Мәскеуде өтіп жатқан «Әлемдік атом апталығы» және отандық атом өнеркәсібінің 80 жылдығына, аясында өтті.