Post #2113

27–28 қыркүйекте Мәскеуде World Atomic Week жастар бағдарламасы аясында студенттік Global HackAtom чемпионатының тұңғыш халықаралық финалы өтті. Ресейден және тағы тоғыз елден келген 50-ден астам қатысушы ядролық технологиялардың адамзатқа ғарышты игеруге қалай көмектесетінін ұсынды. Еске сала кетейік, финалистер қатарында Қазақстаннан келген команда да болды — олар «Матрёшка» жобасын, Айдағы автономды ғарыштық базаның тұжырымдамасын таныстырды. 🏆 Чемпиондар атанды: 1️⃣ TUPI Tech (Бразилия) — ғаламшараралық миссияларға арналған модульдік атомдық реактор. 2️⃣ Tahu Sumedang (Индонезия) — ұзақ қашықтыққа ұшуларда циркадтық ырғақты сақтауға арналған технология. 3️⃣ IsotopeX (Венгрия) — өмірлік көрсеткіштерді бақылауға арналған атомдық қуат көзі. Сарапшылар барлық командалардың жоғары деңгейін және болашаққа бағытталған идеяларын атап өтті.