Post #2137

15 қазанда Алматы қаласында атом саласының 80 жылдығына арналған салтанатты жиын өтті. Іс-шараны Қазақстанның Ядролық қоғамы қауымдастығы ҚБТУ базасында ұйымдастырды. Жиынға Қазақстан Республикасының Атом энергиясы агенттігінің өкілдері, ғалымдар, ардагерлер, сарапшылар, журналистер, студенттер және ТМД елдерінен келген қонақтар қатысты. Спикерлер өз сөздерінде ортақ ойды атап өтті: бейбіт атом – тұрақты даму мен энергетикалық қауіпсіздіктің кепілі. Бүгінде ядролық технологиялар медицинада, ауыл шаруашылығында, өнеркәсіп пен ғарыш саласында кеңінен қолданылып, адамдардың өмірін қауіпсіз әрі жайлы етуге ықпал етуде.Атом саласының ардагерлеріне өз ісіне адалдығы үшін марапаттар мен алғыс хаттар табысталды. Бұл мерейтой – ұрпақтар сабақтастығының және Қазақстанның халықаралық ядролық қауымдастықтағы сенімді серіктес ретіндегі беделінің символы болды.