Post #2175

2025 жылғы 17 желтоқсанда Ташкент қаласында Тәуелсіз Мемлекеттер Достастығына (ТМД) мүше мемлекеттердің атом энергиясын бейбіт мақсатта пайдалану жөніндегі Комиссиясының XXVI отырысы өтті. Кездесудің негізгі назарында — 2025 жылдың қорытындылары және бейбіт атом саласындағы ынтымақтастықты дамытудың алдағы қадамдары болды. Мемлекетаралық бағдарламаларға ерекше көңіл бөлінді. Атап айтқанда, Қырғызстан мен Тәжікстандағы уран өндіруден зардап шеккен аумақтарды рекультивациялау жұмыстарын аяқтау, сондай-ақ ғылыми жобаларды іске асыру мәселелері талқыланды. Бұл жобалардың қатарында Қазақстандағы материалтану токамагында жүргізіліп жатқан зерттеулер де бар. Қабылданған шешімдер ТМД елдері арасындағы кооперацияны нығайтуға және атом энергиясын бейбіт мақсатта пайдалануды дамытудың ұзақ мерзімді күн тәртібін қалыптастыруға бағытталған. Іс-шараға Қазақстан, Армения, Қырғызстан, Ресей, Тәжікстан және Өзбекстан делегациялары қатысты. 👌Росатом Центральная Азия