Post #763

«Росатом» Қырғызстанда жел паркін салуды жоспарлауда «НоваВинд» («Росатом» мемлекеттік корпорациясының жел энергетикалық дивизионы) және Ресей-Қырғыз даму қоры Қырғыз Республикасының Ыстықкөл облысында жел электр станциясын салу жөніндегі инвестициялық жобаны пысықтау және іске асыру туралы келісімге қол қойды. Жоспарланған станцияның қуаты 100 МВт құрайды. «Росатом Қырғыз Республикасында жаңартылатын энергетика бойынша жобаларды іске асыруға және достас елдермен жан-жақты ынтымақтастықты дамытуға мүдделі. Бізде жел парктерін салу және пайдалану бойынша үлкен тәжірибе бар. Ресейдің оңтүстігіндегі үш өңірде тоғыз жел энергетикалық станция сәтті жұмыс істеп жатыр. Компанияның іске асырылған жел энергетикалық жобаларының жиынтық қуаты 1 ГВт-қа жетті. Росатом мамандары республиканың энергия тапшылығы проблемасын шешуге тиімді үлес қосу үшін бар күш-жігерін салады», - деді «НоваВинд» АҚ бас директоры Григорий Назаров.