Post #7696

🕯️ Çdo vit, të shtunën e parë të shkurtit, tradicionalisht festohet Dita e Kujtimit të Korrierëve Diplomatikë, të rënë gjatë përmbushjes së detyrës. Kjo datë memoriale lidhet me ngjarjet që ndodhën në shkurt të vitit 1926 në territorin e Letonisë: më 5 shkurt, në një vagon të trenit që udhëtonte nga Moska në Rigë, ndodheshin dy korrierë diplomatikë të Komisariatit Popullor të Punëve të Jashtme të BRSS — Teodor Janoviç Nette dhe Johan Adamoviç Makhmastal. Korrierët u sulmuan nga banditë. Nette humbi jetën, pasi qëlloi sulmuesin e parë, ndërsa postën diplomatike e mbrojti Makhmastali, i plagosur rëndë. Ai e shoqëroi postën deri në Riga dhe në platformën e stacionit ia dorëzoi atë një punonjësi të ambasadës sovjetike, të cilin e njihte personalisht. Vetëm pas kësaj Makhmastali lejoi që ta çonin në spital. Teodor Nette u varros më 9 shkurt 1926 në Rrugën me Pisha (Larsh Alley) në Varrezat Vagankovskoye në Moskë. Që atëherë, çdo vit në shkurt, punonjësit e Departamentit të Korrepsondencës Diplomatike dhe të afërmit e tyre shkojnë në varreza për të nderuar kujtimin e Nette dhe për t'u përkulur para varreve të ish kolegëve të tjerë. Me emrin e Teodor Nette janë emëruar rrugë në qytete të ndryshme, një aeroplan dhe një anije, ai është përjetësuar në një poezi të poetit të shquar sovjetik Vladimir Majakovski, i cili ishte mik i Nettes. Me emrin e Johan Makhmastal është emëruar një anije shumëfunksionale e Kompanisë Detare të Veriut. --- Në kujtim të punonjësve, të rënë në vitet e Luftës së Madhe Patriotike, në pllakën memoriale në ndërtesën e lartë të MPJ-së së Rusisë janë shënuar mbiemrat e korrierëve diplomatikë, të cilët në kohë lufte e përmbushën detyrën me çmimin e jetës së tyre. Gjithsej në listën e trishtë janë 25 emra të korrierëve diplomatikë, të rënë në detyrë. Nga briefingu i Përfaqësueses së MPJ-së së Rusisë, M.V.Zakharova, 30 janar 2026