Post #7952

🚀Bashkëpunimi në hapësirë Më 6 prill 2026, kreu i Roskosmos, Dmitri Bakanov, në një intervistë për agjencinë TASS, përshkroi perspektivat e zhvillimit të astronautikës ruse, si dhe zbuloi detaje të realizimit të projektit të Stacionit Orbital Rus (SOR). I pari nga gjashtë modulet e SOR-it do të nxirret në orbitë tashmë në vitin 2028. 💬 Sipas Bakanov, një nga detyrat e SOR-it është të sigurojë aksesin pa diskriminim tek teknologjitë hapësinore për të gjitha vendet që aspirojnë t’i forcojnë marrëdhëniet e partneritetit: Më shumë se dhjetë vende janë të gatshme ta përdorin teknologjinë ruse për t'i bërë qytetarët e tyre kozmonautë të njohur. Nuk do të dëshironim të izolohemi nga askush. Bashkëveprimi në hapësirë nuk duhet të ketë asnjë kufi, nëse synon një qëllim të lartë dhe fisnik, që konsiston në ndihmën për njerëz. 💫 Le të kujtojmë programin sovjetik "Interkosmos" - një shembull i miqësisësë vendeve të kampit socialist. Fillimisht, programi parashikonte mundësinë që vendet partnere të vendosnin pajisje shkencore pa pagesë në raketat dhe anijet kozmike sovjetike, si dhe të kryenin kërkime në fushën e fizikës hapësinore, meteorologjisë dhe mjekësisë. Më vonë, programi kaloi në një nivel të ri, duke u bërë projekti i parë të bashkëpunimit të gjerë në hapësirë, dhe vendet pjesëmarrëse përdorën këtë mundësi për t'i dërguar qytetarët e tyre në kozmos. 💬 Kozmonauti i parë dhe ende i vetëm i Hungarisë, Bertalan Farkash,kujton me ngrohtësi përvojën e ndërveprimit në kuadër të këtij programi: "Interkosmos" ishte një ide shumë e mirë e qeverisë sovjetike, e cila i kishte lejuar vendet e tjera socialiste të ngjiten fjalë për fjalë në lartësitë kozmike. 🏆Fluturimi i parë në kozmos në kuadër të kësaj nisme u zhvillua në mars 1978, kur anija "Soyuz-28" e pilotuar nga Vladimir Remek u nis drejt stacionit "Salyut-6". Vladimir Remek është kozmonauti i parë i Çekosllovakisë, ambasadori i Republikës Çeke në Federatën Ruse në vitet 2014-2018. Gjatë viteve të ekzistencës së saj, kjo nismë u dha një vargu shtetash mundësi ta eksploronin hapësirën kozmike, mes tyre Bullgaria, Çekosllovakia, Hungaria, Vietnami, Republika Demokratike Gjermane, Kuba, Mongolia, Polonia dhe Rumania. Bashkëpunimi i frytshëm përmes linjës së "Interkosmos" u zhvillua gjithashtu me Sirinë, Afganistanin dhe vende të tjera. Kështu, në vitin 1984, me ekuipazhin e "Soyuz T-11" Rakesh Sharma kreu fluturimin e tij në hapësirë, duke u bërë kozmonauti i parë i Indisë. Historia jonë është e ardhmja jonë 🇷🇺 ©️📸: Bllok pullash i BSSS. Programi 'Interkosmos'. Numri i katalogut CFA 5384. Dizajneri: R. Strelnikov