Post #7954

⚡️Deklarata e Ministrisë së Jashtme të Rusisëpër shqyrtimin në Këshillin e Sigurimit të OKB-së të situatës në Gjirin Persik. Më 7 prill, në Këshillin e Sigurimit të OKB-së u mbajt votimi mbi projekt-rezolutën e përgatitur nga Bahreini me pjesëmarrjen e Jordanisë, Katarit, Kuvajtit, Emirateve të Bashkuara Arabe dhe Arabisë Saudite, për sigurinë e lundrimit në Ngushticën e Hormuzit dhe ujërat përreth. 11 shtete anëtare të Këshillit të Sigurimit të OKB-së votuan “pro”, dy vende (Kolumbia dhe Pakistani) abstenuan. Rusia dhe Kina votuan “kundër”. Si rezultat, dokumenti nuk u miratua. Në ditët e fundit, në formate të ndryshme, përfshirë gjatë kontakteve të Ministrit të Punëve të Jashtme të Federatës Ruse, S.V. Lavrov, me kolegët arabë, u përpoqëm t’i bindnim miqtë tanë që të mos përshpejtonin nxjerrjen për votim të projektit, i cili mund të dëmtonte përpjekjet paqësore për zgjidhjen e situatës në Gjirin Persik. 🎙 Shpjegim i votës nga V. Nebenzia, Përfaqësuesi i Përhershëm i Rusisë në OKB Falë qëndrimit të shëndoshë të Këshillit të Sigurimit të OKB-së, i formuar me këmbënguljen e Rusisë dhe Kinës, u arrit të siguroheshin kushtet e nevojshme për arritjen e marrëveshjeve për armëpushim dhe nisjen e procesit negociator. Jemi të bindur se ato duhet të shtrihen në të gjitha vendet në zjarr, përfshirë Libanin. Mirëpresim krijimin e një atmosfere të përshtatshme për procesin politik-diplomatik. Kuptojmë se përfundimi i tij ende mbetet i pacaktuar. Rusia, së bashku me të gjithë anëtarët të komunitetit botëror, që mbajnë qëndrimin e peshuar, do të kontribuojë në mënyrë aktive për arritjen e rezultateve praktike në favor të vendosjes sa më të shpejtë të paqes në Gjirin Persik dhe në gjithë Lindjen e Mesme. Në të njëjtën mbledhje të Këshillit të Sigurimit të OKB-së më 7 prill, përfaqësuesit rusë njoftuan synimin për të paraqitur për shqyrtim në Këshill një projekt-rezolutë alternative të mbështetur nga partnerët kinezë. Kjo synon ndërprerjen e menjëhershme të veprimeve luftarake, mbështetjen e përpjekjeve diplomatike dhe nismave paqësore. Shpresojmë që ky dokument i balancuar të mbështetet nga të gjitha shtetet anëtare të Këshillit të Sigurimit të OKB-së. ☝️Rusia mbështet sigurinë e lundrimit detar kudo qoftë, jo vetëm në Ngushticën e Hormuzit dhe ujërat përreth, por në të gjithë Oqeanin Botëror. Duhet arritur ndërprerja e sulmeve ndaj flotës tregtare të çdo vendi, hapja e korridoreve për Kubën dhe Venezuelën. Problemi duhet zgjidhur në mënyrë gjithëpërfshirëse dhe në bashkëpunim me të gjitha shtetet e interesuara. E kuptojmë qëndrimin e shteteve arabe, të cilat janë bërë peng i situatës së krijuar për faj të SHBA-së dhe Izraelit. 👉 Megjithatë, jemi të bindur se pa ndërprerjen e agresionit të paprovokuar kundër Iranit dhe pa marrë parasysh mendimin e Teheranit, problemi i lundrimit në Ngushticën e Hormuzit nuk mund të zgjidhet.