Post #3967

🏆🏃‍♂️នាថ្ងៃទី១៨ ខែមករា ឆ្នាំ២០២៥ នៅខេត្តសៀមរាប លោក Evgenii Bloshenko តំណាងស្ថានទូតរុស្ស៊ីប្រចាំកម្ពុជា បានឈ្នះក្នុងព្រឹត្តិការណ៍រត់ប្រណាំងឆ្លងកាត់ឧបសគ្គចម្ងាយឆ្ងាយ (Angkor Ultra Trail) ដោយបានបំបែកកំណត់ត្រា រត់ចម្ងាយ ១០១.១ គីឡូម៉ែត្រ ក្នុងរយៈពេល៩ ម៉ោង ២៣នាទី។ ក្នុងពិធីប្រគល់ពានរង្វាន់នោះ ឯកឧត្តមបណ្ឌិត ថោង ខុន ទេសរដ្ឋមន្រ្តី និងជាប្រធានគណៈកម្មាធិការជាតិអូឡាំពិកកម្ពុជា បានមានប្រសាសន៍ថា ព្រឹត្តិការណ៍នោះរៀបចំឡើង ក្នុងគោលបំណងជំរុញការផ្សព្វផ្សាយចលនាកីឡា ជំរុញ និងបង្កើនការអភិវឌ្ឍសេដ្ឋកិច្ចក្រៅប្រព័ន្ធ លើកកម្ពស់បរិស្ថានតំបន់បេតិកភណ្ឌ ជំរុញទាក់ទាញភ្ញៀវទេសចរ និងគាំទ្រគម្រោងមនុស្សធម៌ ដែលវាជាព្រឹត្តិការណ៍ដ៏កម្រ និងអស្ចារ្យ ដោយអ្នកចូលរួមត្រូវរត់កាត់តាមព្រៃព្រឹក្សា តំបន់ជនបទ ភូមិឋានប្រជាពលរដ្ឋ និងរត់ឆ្លងកាត់តាមប្រាសាទបុរាណជាច្រើននៅតំបន់ឧទ្យានអង្គរ ដែលជាសម្បត្តិបេតិកភណ្ឌវប្បធម៌រូបីដ៏អស្ចារ្យ និងល្បីល្បាញបំផុតលើពិភពលោក ។ 🎉យើងសូមអបអរសាទរ អត្តពលិក Evgenii ដែលបានសម្រេចសមិទ្ធិផលដ៏គួរឱ្យចាប់អារម្មណ៍ ហើយសូមជូនពរឱ្យទទួលបានជោគជ័យថ្មីៗបន្ថែមទៀត! 📷@freshnewsasia