Post #4078

🔈 នាថ្ងៃទី១៨ ខែកុម្ភៈ ឆ្នាំ២០២៥ ឯកឧត្តម អាណាតូលី បូរ៉ូវីក ឯកអគ្គរដ្ឋទូតនៃសហព័ន្ធរុស្ស៊ីប្រចាំព្រះរាជាណាចក្រកម្ពុជា បានផ្តល់បាឋកថា ក្រោមប្រធានបទ យុទ្ធសាស្ត្ររបស់រុស្ស៊ីក្នុងតំបន់អាស៊ីប៉ាស៊ីហ្វិកសំរាប់និស្សិតសាកលវិទ្យាល័យភូមិន្ទភ្នំពេញ។ ឯកឧត្តម ឯកអគ្គរដ្ឋទូត បានមានប្រសាសន៍អំពី ចក្ខុវិស័យរបស់រុស្ស៊ីចំពោះបញ្ហាក្នុងតំបន់ ដោយបញ្ជាក់ពីភាពខុសគ្នារវាងវិធីសាស្រ្តអាស៊ីប៉ាស៊ីហ្វិក និងឥណ្ឌូប៉ាស៊ីហ្វិក និងបំភ្លឺពីខ្លឹមសារនៃសេចក្តីព្រាងធម្មនុញ្ញអឺរ៉ាស៊ីស្តីពីភាពចម្រុះ និងពហុប៉ូលក្នុងសតវត្សទី២១។ ឯកឧត្តម អាណាតូលី បូរ៉ូវីក បានសង្កត់ធ្ងន់ថា គោលគំនិតនេះគឺផ្អែកលើជំនឿថាពិភពលោកកំពុងឆ្លងកាត់ការប្រែប្រួលជាមូលដ្ឋាន ដោយឆ្ពោះទៅរកភាពពហុប៉ូល។ ការផ្លាស់ប្តូរនេះផ្តល់លទ្ធភាពក្នុងការកសាងសណ្តាប់ធ្នាប់ពិភពលោកប្រកបដោយយុត្តិធម៌ ប្រជាធិបតេយ្យ និងបរិយាប័ន្ន ដែលនឹងគ្មានកន្លែងសម្រាប់ការគ្រប់គ្រងដោយមហាអំណាចតែមួយ ហើយប្រទេសទាំងអស់នឹងរួមចំណែកដល់ស្ថិរភាព និងវិបុលភាពពិភពលោក។ នៅទីបញ្ចប់នៃបាឋកថា វគ្គសំណួរនិងចម្លើយត្រូវបានធ្វើឡើងដើម្បីពិភាក្សាអំពីប្រធានបទដែលនិស្សិតចាប់អារម្មណ៍ រួមទាំងទំនាក់ទំនងរុស្ស៊ី-កម្ពុជា និងបញ្ហាសំខាន់ៗក្នុងរបៀបវារៈជាសកល។ លោកសាស្ត្រាចារ្យរង នាក់ចិន្តារិទ្ធិ នាយកវិទ្យាស្ថានសិក្សាអន្តរជាតិ និងគោលនយោបាយសាធារណៈនៃសាកលវិទ្យាល័យភូមិន្ទភ្នំពេញ បានធ្វើជាអ្នកសម្របសម្រួលវគ្គនោះ។