Post #5404

💬 សេចក្តីដកស្រង់ពីបទបង្ហាញរបស់ លោកស្រី Maria Zakharova អ្នកនាំពាក្យក្រសួងការបរទេសរុស្ស៊ី (ថ្ងៃទី៧ ខែវិច្ឆិកា ឆ្នាំ២០២៥) 🇰🇭🇹🇭 យើងសូមស្វាគមន៍ចំពោះការចុះហត្ថលេខា លើសេចក្តីថ្លែងការណ៍រួមទីក្រុងគូឡាឡាំពួ ស្តីពីកិច្ចព្រមព្រៀងសន្តិភាពរវាងកម្ពុជានិងថៃ នៅថ្ងៃទី២៦ ខែតុលា ឆ្នាំ២០២៥ ក្នុងអំឡុងពេលកិច្ចប្រជុំកំពូលអាស៊ាន ដែលមានគោលបំណងដោះស្រាយជម្លោះព្រំដែន។ យើងមានទំនុកចិត្តថា កិច្ចព្រមព្រៀង ដែលសម្រេចបានដោយមានកិច្ចខិតខំប្រឹងប្រែងរបស់ម៉ាឡេស៊ីជាប្រធានអាស៊ាន នឹងរួមចំណែកដល់ការដោះស្រាយដោយសន្តិវិធីនូវភាពផ្ទុយគ្នាដែលមានស្រាប់ ការបង្កើតកិច្ចសន្ទនាទ្វេភាគីដ៏ជិតស្និទ្ធ និងការធ្វើឱ្យស្ថានភាពមានលក្ខណៈប្រក្រតីភាពឡើងវិញក្នុងរយៈពេលយូរ។ ❗️ យើងជឿជាក់ថា ជម្លោះទឹកដីជាច្រើននៅក្នុងពិភពលោកគឺជាមរតកនៃគោលនយោបាយអាណានិគមនិយមរបស់លោកខាងលិច។ ខណៈស្ថានភាពក្នុងតំបន់អាស៊ីប៉ាស៊ីហ្វិកមានលក្ខណៈ កាន់តែយ៉ាប់យ៉ឺន គួរតែធ្វើសកម្មភាពក្នុងស្មារតីឯកភាពនិងសាមគ្គីភាព ដែលមានរវាងបណ្តាប្រទេសជាសមាជិកអាស៊ាន។