Post #10510

Хөрмәтле дуслар! ⚙️Кечкенә техник белдерү. Элек, белгәнегезчә, безнең Ташкент Татар Мәдәни үзәге каналында хәбәрләргә комментарийлар язу мөмкинлеге ачык иде. Әмма анда бик күп спам һәм мошенниклар килеп чыга иде. Шуңа бәйле безгә үзгәреш кертергә туры килде. Хәзер сез комментарий калдыра аласыз, ләкин моның өчен безнең чатка керү өчен гариза бирергә кирәк. Гаризагыз модерация үтә. Күпчелек очракта, гаризалар кабул ителә һәм сез иркен рәвештә постлар астында комментарий яза аласыз. Гаризаларны без шикле профильләрдән кире кагабыз – әгәр ул кешенең мәгълүматлары безнең эшчәнлеккә кагылышлы түгел дип уйлатса, яки профиле аңлашылмый торган, шикле исемдә булса. 💌 Раслау мөмкинлеген арттыру өчен – зинһар, телеграм профилегездә үзегезнең чын исем-фамилиягезне күрсәтегез. Фотогыз булуы һәрвакыт хуплана. ✍️Безнең чат кагыйдәләре: 1. Спам ярамый. 2. Милләтләр арасында дошманлык тудыру тыела. 3. Сүгенү сүзләре тыела. 4. Аралашу стилен хөрмәтле итеп сакларга кирәк. 5. Татар телендә комментарийлар – хуплана. 6. Комментарийлар хәбәр темасына кагылышлы булырга тиеш. 7. Дини һәм сәяси темалар тыела. ❗️Темага кагылмаган комментарийлар: беренче тапкыр гына бетерелә, икенче тапкыр – комментарий белән бергә сез дә бетереләчәксез. ❓Әгәр шәхси соравыгыз булса – безнең ботка языгыз. Сезнең сорауларга безнең волонтёрлар җавап бирә. Аңларга кирәк: барлык волонтёрлар да эшләүче кешеләр, шуңа җавап шунда ук килмәскә мөмкин. Әмма мөмкин кадәр тизрәк җавап бирергә тырышачакбыз.