Post #169

‼️ Ҳурматли фуқаролар, Сизга шуни эслатиб қўймоқчимизки, 2018 йил 19 сентябрда Ўзбекистон Республикаси Президентининг ПФ-5542 сонли “Террористик, экстремистик ёки бошқа тақиқланган ташкилот ва гуруҳлар таркибига адашиб кириб қолган Ўзбекистон Республикаси фуқароларини жиноий жавобгарликдан озод этиш тартибини такомиллаштириш тўғрисида”ги Фармони қабул қилинган. Унга мувофиқ, террористик, экстремистик ёки бошқа тақиқланган ташкилот ва гуруҳлар таркибига адашиб кириб қолган, шу жумладан, Ўзбекистон Республикаси ҳудудидан ташқарида бўлган, ўз қилмишининг ҳуқуққа хилофлигини англаб етган ва тузалиш йўлига ўтган фуқароларга Ватанига, оиласи бағрига, тинч ҳаётга қайтиш имконини бериш ҳамда, инсонпарварлик принципларига асосланган ҳолда уларни жиноий жавобгарликдан озод этилиши мумкинлиги белгилаб қўйилган. Унга кўра: 📌айбини бўйнига олиш тўғрисида шахсан арз қилиб келса, қилмишидан чин кўнгилдан пушаймон бўлса ва тузалиш йўлига ўтган бўлса; 📌жиноий фаолият ва бошқа ҳуқуққа хилоф қилмишларни фош этишда фаол ёрдам берган бўлса; 📌тақиқланган ташкилотлар сафига алдов йўли билан жалб этилган бўлса; 📌тақиқланган ташкилотларнинг ғоявий ёки маънавий раҳнамоси бўлмаган бўлса; 📌жанговар ҳаракатларда ва қўпорувчилик ҳаракатларини содир этишда иштирок этмаган бўлса; 📌террорчилик фаолиятини амалга ошириш мақсадида тақиқланган ташкилотларда ўқув, махсус ёки ҳарбий тайёргарликдан ўтмаган бўлса; 📌террорчилик фаолиятини амалга ошириш мақсадида чиқиш ёки ҳаракатланишни амалга оширмаган бўлса; 📌халқаро терроризмни молиялаштиришда иштирок этмаган бўлса; террористик, экстремистик ва бошқа бузғунчи ғоялар мавжуд бўлган материалларни адашиб ёки ахборот-коммуникация воситаларида тарқатишга қасд қилмаган ва бундай мақсадни кўзламаган ҳолда сақлаган бўлса. ‼️Юқоридагиларни инобатга олиб, юқорида кўрсатиб ўтилган фуқаролар тегишли хужжатларни расмийлаштириш учун хориждаги Ўзбекистон Республикаси дипломатик ваколатхоналарига мурожаат қилиши мумкин. Мазкур холат бўйича қўшимча маълумот олиш учун Элчихона консуллик бўлимининг электрон почта манзилига 📩[email protected], телеграм каналига uzkorus4 ёки Элчихона Call-center телефон рақамларига ☎️+7-499-230-00-76 ва +7-499-238-36-20 мурожаат қилиш мумкин. http://www.uzembassy.ru/news/33158