Post #40701

🇮🇱🇵🇸Исроил Рафаҳ чегара пунктидан фаластинлик беморларни ўтказишни тўхтатди Фаластин Қизил Ярим Ой жамияти Исроил Рафаҳ чегара пункти орқали фаластинлик беморлар ва яраланганларни эвакуация қилишни тўхтатганини маълум қилган. Исроил бу ҳақда 4-февраль куни эрталаб хабар берган. Келишувга кўра, беморлар дастлабки тиббий кўрикдан ўтказилиб, сўнг тез ёрдам машиналарида Рафаҳ чегара ўтиш жойи орқали Миср ёки бошқа давлатлардаги шифохоналарга юборилиши керак эди. Аммо эвакуация жараёни бекор қилинган. Маълум қилинишига кўра, 2 февраль куни фақат 5 нафар, 3 февраль куни эса 16 нафар бемор Ғазони тарк этган. Бу Исроил томонидан эълон қилинган кунлик 50 кишилик лимитдан анча кам. Ҳозирда 18 мингдан ортиқ фаластинлик бемор тиббий эвакуацияни кутмоқда, уларнинг аксарияти оғир аҳволда. 👉@ZAMON - ТВда кўрсатилмайдиган, газеталар айтмайдиган махфий хабарлар каналига аъзо бўлинг!