Post #41056

Исроилда ўзбекистонлик мигрант ҳибсга олинди Исроил полицияси ракета огоҳлантириши пайтида суратга олинган видео ижтимоий тармоқларда тарқалиб кетганидан кейин ўзбекистонлик фуқарони ҳибсга олган. Видеода эркак «Мана ҳеч ким қолмади, каламушлар қочиб кетди. Ҳеч ким йўқ», деган гапларни айтган. Тасвирлар интернетда тарқалганидан сўнг бир исроиллик кўчада ўзбекистонлик муҳожирни таниб қолиб, полицияга хабар берган. Муҳожирнинг ишхонасига келган полициячи уни ҳибсга олиб, сўроқ қилиш учун олиб кетган. Ҳибсга олинган шахснинг таъкидлашича, унинг сўзлари исроилликларга эмас, балки танишларига қаратилган бўлган. Унинг танишлари огоҳлантириш пайтида уни ёлғиз қолдириб, бомбапаноҳга қочиб кетишган. У шунингдек, видеонинг кенг тарқалишини кутмаган ҳолда, ўз телефонида суратга олганини айтган. Мазкур ҳолат бўйича тергов олиб борилмоқда. 👉@ZAMON - ТВда кўрсатилмайдиган, газеталар айтмайдиган махфий хабарлар каналига аъзо бўлинг!