Post #41391

🇵🇰Покистон ёқилғи нархи ошишига қарши норозиликлардан сўнг бепул жамоат транспортини эълон қилди– The Guardian Газетанинг ёзишича, мамлакат расмийлари Эрон билан уруш сабабли ҳукумат ёқилғи нархини кескин оширганидан сўнг, келаси ой давомида пойтахт ва мамлакатнинг энг зич жойлашган вилоятида давлат жамоат транспорти бепул бўлишини маълум қилди. Жума кунги эълон бензин нархини 42,7 фоизга, яъни литрига 485 рупийгача ($1,74) ошириш ҳақидаги тунги қарордан сўнг келиб чиққан кўча намойишлари ва ёқилғи қуйиш шахобчаларидаги мотоциклчиларнинг узун навбатларидан кейин янгради. Ўша куни кечқурун Бош вазир Шеҳбоз Шариф ўз позициясини ўзгартириб, солиқни камайтиришини ва бензин нархини литрига 378 рупий этиб белгилашини айтган эди. "Бу пасайтириш камида бир ой давомида амал қилади", — деди у халққа йўллаган мурожаатида. "Ваъда бераманки, ҳаётингиз нормал изига қайтмагунча тинчимайман", – дейди Шеҳбоз Шариф. "Бош вазир дизел ёқилғиси нархини туширмади, у 54,9 фоизлик ошишдан кейин литрига 520 рупий ($5,60) даражасида қолади. Ҳукумат 350 миллион рупий миқдоридаги юкни ўз зиммасига олади", – дея қўшимча қилади Покистон Ички ишлар вазири Муҳсин Накви. 👉@ZAMON - ТВда кўрсатилмайдиган, газеталар айтмайдиган махфий хабарлар каналига аъзо бўлинг!