"MUSTAQIL" ijtimoiy - siyosiy gazetasi | Rasmiy kanal

Ифлос ҳаво мияни “секинлаштираяпти” ...Кундалик нафас олинаётган ҳаво инсон мияси фаолиятига жиддий таъсир кўрсатиши мумкин. Канаданинг МакМастер университети олимлари томонидан ўтказилган янги тадқиқот ҳаво ифлосланиши когнитив қобилиятларни пасайтириши, хотира ва фикрлаш тезлигини сусайтиришини кўрсатди... БАТАФСИЛ : 👉🏻https://teletype.in/@mustaqilgazetasi/9-nQTCz3pXn Telegram | Facebook | YouTube| Instagram

Наманган: Рақамли асрнинг энг ёрқин медиа тўлқинида! Водий марказида қайноқ медиа ҳафталиги ўз якунига етди! Наманган нафақат гуллар диёри, балки замонавий креатив ғоялар ва кучли коммуникациялар марказига айлана олишини исботлади. Стратегик режалардан тортиб сунъий интеллект имкониятларигача, фактчекингдан тортиб визуал сторителлинг (storytelling) сирларигача — Наманган медиа аҳли барча йўналишларда юксак профессионаллик ва тайёргарликни кўрсатди. Наманган тўлқини тўхтамайди — Медиа форум навбатдаги манзил томон йўл олмоқда! 1–5 июнь кунлари Андижонда учрашамиз! Telegram | Facebook | YouTube| Instagram

Тарқалган видео ортидаги аччиқ ҳақиқат ва таълим фожиаси! ...​Тошкентдаги 275-мактабда ўқитувчи ва ўқувчи ўртасидаги воқеанинг "калтакдан олдинги" видеотасвирлари тарқалди. Бу видеони кўриб, соғлом фикрлайдиган ҳар қандай инсоннинг юраги ачийди. Дарс пайтида синфхона ичида нималар бўляпти? Ўқувчилар бир-бирига сув сочиб ўйнаб юрибди, бемалол телефон кўтариб, бу тартиббузарликни видеога оляпти. Назоратсизлик, бебошлик ва ўзидан каттани ҳурмат қилиш одобининг тобора йўқ бўлиб бораётгани мана шу қисқа тасвирларда бутун бўй-басти билан кўриниб турибди! БАТАФСИЛ : 👉🏻https://teletype.in/@mustaqilgazetasi/Q-6c11H4XNN Telegram | Facebook | YouTube| Instagram

Ёшларни оилавий ҳаётга тайёрлаш бўйича маслаҳат пунктлари ташкил этилади Туман ва шаҳарлардаги ёшларни оилавий ҳаётга тайёрлаш марказлари ҳузурида юридик шахс мақомига эга бўлмаган оилавий маслаҳат пунктлари ташкил этилади. Бу Вазирлар Маҳкамасининг «Ёшларни оилавий ҳаётга тайёрлаш тизимини янада такомиллаштириш ҳамда оилавий маслаҳат хизматларини ташкил этиш чора-тадбирлари тўғрисида»ги қарорида белгиланди. Ҳужжатнинг асосий мақсади — ёшларни оилавий ҳаётга тайёрлаш тизимини такомиллаштириш, ҳуқуқий ва психологик хизматлар кўрсатиш, ота-оналарни ўқитиш дастурлари орқали масъулиятли тарбия кўникмаларини шакллантириш ҳамда оилалардаги маънавий-ахлоқий муҳитни яхшилашдан иборат. Мазкур пунктларда никоҳдан ўтаётган ёшлар, турмуш қурганига 5 йил бўлмаган ёш оилалар, турли муаммоларга дуч келган оилалар учун психологик, ҳуқуқий ва тиббий маслаҳат хизматлари кўрсатилади. Telegram | Facebook | YouTube| Instagram

Агробанк ходими ўқитувчи номига кредит расмийлаштириб олган Жиззах вилоятининг Зафаробод туманида мижознинг ўзидан яширинча номига кредит расмийлаштирилгани айтилмоқда. Мурожаатчининг айтишича, Агробанк ходимлари унинг уйига келиб, кредит қарзини тўлашини талаб қилган. Шундан сўнг банкка бориб аниқлаштирганида, унинг ЖШШИР маълумотлари орқали 2025 йил июнь ойида 42 миллион сўм кредит расмийлаштирилгани маълум бўлган. Энг қизиғи, шартномада мурожаатчининг имзоси бўлмаган. Мурожаатда таъкидланишича, кредит маблағи нақдлаштирилган ва бошқа мақсадларда ишлатиб юборилган бўлиши мумкин. Ўқитувчи эса бу ҳолатдан мутлақо бехабар бўлганини айтмоқда. Банк тизимида рақамлаштириш, биометрик идентификация ва хавфсизлик механизмлари ҳақида кўп гапирилди. Аммо амалда одамлар ўз номига олинган кредитдан тасодифан хабар топаётган бўлса, демак тизимда жиддий хавотирлар ҳали ҳам мавжуд. Банк раҳбариятидан ушбу икки ҳолат бўйича расмий муносабат кутиб қоламиз. Telegram | Facebook | YouTube| Instagram

8 мингдан ортиқ етим болага 200 доллардан маблағ ажратилади Ҳайит арафасида оғир касалликка чалинган 10 минг нафар болада жарроҳлик амалиётларини ўтказиш, 2,3 минг нафар онкологик ва гематологик беморларни даволаш ҳамда камида 350 нафар беморда жигар ва буйрак трансплантацияси харажатларини қоплаш режалаштирилган. Шунингдек, 8 минг нафардан ортиқ етим ва ота-она қарамоғидан маҳрум бўлган болалар ҳамда Ватан ҳимояси йўлида ҳалок бўлган ҳарбийлар фарзандларининг омонат ҳисобварақларига 200 АҚШ долларидан маблағ ўтказиб берилади. Бундан ташқари, 500 та масжидда замонавий таҳоратхоналар қуриш ва таъмирлаш, қабристонларни ободонлаштириш, шунингдек, эҳтиёжманд оилалар, ёлғиз кексалар ва ногиронлиги бўлган шахсларни озиқ-овқат маҳсулотлари билан таъминлаш ишлари амалга оширилади. Мазкур тадбирларни молиялаштириш учун “Вақф” хайрия жамоат фондига 690 миллиард сўм маблағ ажратилиши кўзда тутилган. Telegram | Facebook | YouTube| Instagram

GAZETANING NAVBATDAGI SONINI MUTOLAA UCHUN E`TIBORINGIZGA HAVOLA ETAMIZ. BIZ BILAN HAMKORLIK QILING. ✅TELEGRAM: @Mustaqil_uzb. ✅ FEYSBUK: https://www.facebook.com/profile.php?id=100089755464339 ✅ INSTAGRAM: https://www.instagram.com/mustaqil_gazetasi ✅ YOUTUBE: COM/@Mustaqilpress ☎️ АЛОҚА: (93) 231-45-49. (93)003-22-74 ✅@Mustaqil_uzb.

Ўзбекистонда Қурбон ҳайити 27 май куни нишонланади Ўзбекистон Республикаси Президентининг “Муборак Қурбон ҳайитини нишонлаш тўғрисида”ги қарори қабул қилинди. Унга кўра, 2026 йилда Қурбон ҳайитининг биринчи куни 27 май — чоршанба кунига тўғри келади ва мамлакатимизда кенг нишонланади. Шунингдек, Президент Фармонига асосан фуқаролар учун кетма-кет дам олиш кунлари белгиланди: 🔹 27 май, чоршанба — Қурбон ҳайити байрами 🔹 28 май, пайшанба — қўшимча дам олиш куни 🔹 29 май, жума — қўшимча дам олиш куни 🔹 30 май, шанба — ҳафтада 6 кун ишлайдиганлар учун қўшимча дам олиш куни 🔹 31 май, якшанба — одатий дам олиш куни Шу тариқа, иш ҳафтасининг туридан қатъи назар аксарият фуқаролар 5 кун кетма-кет дам олади. Telegram | Facebook | YouTube| Instagram

Ўзбекистон Президенти Озарбайжонга жўнаб кетди Ўзбекистон Республикаси Президенти Шавкат Мирзиёев Озарбайжон Республикаси Президенти Илҳом Алиевнинг таклифига биноан 17 май куни амалий ташриф билан Боку шаҳрига жўнаб кетди. Давлатимиз раҳбари Бутунжаҳон урбанизация форумининг 13-сессияси тадбирларида иштирок этади.Шунингдек, хорижий делегациялар раҳбарлари билан бир қатор учрашув ва музокаралар ўтказилиши ҳам кўзда тутилган. Telegram | Facebook | YouTube| Instagram

"KAMOLOT" MAHALLASI YANGI MASKANGA EGA BO`LDI Past Darg`om tumanidagi Kamolot mahallasining yangi binosi foydalanishga topshirildi. Barcha qulayliklarga ega yangi, zamonaviy maʼmuriy bino aholining ahillik, birdamlik va ezgulik yo`lidagi xayrli ishlariga xizmat qiladi. Ushbu xayrli tashabbus viloyat va tuman hokimligi mablagʻlari, mahalla faollarining fidokorona mehnati, aholining hamjihatligi hamda saxovatpesha insonlarning begʻaraz koʻmagi bilan barpo etildi. Tantanali ochilish marosimida ishtirok etgan tuman hokimi Jamshid Pardayev hamda Oʻzbekiston mahallalari uyushmasi Samarqand viloyati boshqarmasi vakillari va mahalla ahli, nuroniylar ishtirok etib, yurt tinchligi, mahalla fayzi va el-yurt osoyishtaligini tiladilar. Yangi binoda “yettilik” aʼzolari uchun barcha qulayliklar yaratilgan. Keng va yorugʻ xonalar, zamonaviy jihozlar, aholi murojaatlarini qabul qilish uchun munosib sharoitlar mahalla tizimi samaradorligini yanada oshirishga xizmat qiladi. Telegram | Facebook | YouTube| Instagram

«Муаммоларни ечишга келдик» — Саида Мирзиёева Telegram | Facebook | YouTube| Instagram