Post #1188

ЦИЦЕРОН Марк Туллий Цицерон (мил. авв. 106–43 йй.) – Қадимги Римнинг машҳур давлат арбоби, юрист, сиёсий мутафаккир ва буюк нотиқидир. У Рим Республикасининг энг оғир инқирозли даврида яшаб, анъанавий республика тузумини ҳимоя қилган. Цицерон учун давлатнинг асоси – қонун устуворлиги, эркинлик, табақалар ўртасидаги келишув ва ахлоқий сиёсат эди. У ҳар қандай ҳокимият қонун доирасида бўлиши кераклигини таъкидлаган. У Цезар таклиф қилган Биринчи триумвиратга (уч кишининг ҳокимияти) қўшилишдан бош тортган, чунки бундай иттифоқ республика конституциясини заифлаштиради деб ҳисоблаган. Қувғин, сиёсий босим ва фуқаролар урушига қарамай, Цицерон республика ғояларига содиқ қолган. Цезар ўлгандан кейин ҳам у Сенат нуфузини тиклаш учун курашган. Бироқ Антоний, Октавиан ва Лепид тузган Иккинчи триумвират уни душман деб эълон қилди. Мил. авв. 43 йил 7 декабрда Цицерон қатл этилди. Унинг сиёсий мероси «Республика», «Давлат ҳақида», «Қонунлар ҳақида» каби асарларда мужассам. Цицерон фикрича, давлат – умумий манфаатлар билан бирлашган халқ мулки бўлиб, унинг мақсади инсон фаровонлигини таъминлашдир. 👉🏻батафсил танишиш учун ✅Kanalga ulanish: 👉🏻@uz_sfa