Post #1201

Трампдан мактуб Ўзбекистон Республикаси Президенти Шавкат Мирзиёев номига Америка Қўшма Штатлари Президенти Доналд Трампдан мактуб келди. Америка етакчиси ўз мактубида давлатимиз раҳбарининг жорий йил февраль ойида бўлиб ўтган Тинчлик кенгашининг илк йиғилишидаги иштирокини юксак баҳолади. Президент Шавкат Мирзиёев Ўзбекистонда улкан натижаларга эришаётгани таъкидланиб, мамлакатимизга ташриф билан келиш таклифи учун миннатдорлик билдирилди. Ўз навбатида, Президент Доналд Трамп давлатимиз раҳбарини Тинчлик кенгашининг навбатдаги йиғилишига, шунингдек, Маямида ўтадиган G20 саммитига таклиф этди. "Яратган Сизни ва Ўзбекистоннинг буюк халқини ёрлақасин", – дейилади мактубда. P.S.: Америка каби глобал таъсирга эга давлатнинг ҳар бир қадами, одатда, пухта стратегик ҳисоб-китобларга асосланади. Бугунги кунда Ўзбекистоннинг халқаро майдондаги аҳамияти ортиб бормоқда. Шуни алоҳида таъкидлаш жоизки, Президентимизнинг ҳар бир давлат билан мулоқотида аввало миллий манфаатларимиздан келиб чиқиб ёндашиши муҳим аҳамият касб этмоқда. ✅Kanalga ulanish: 👉🏻@uz_sfa