Post #1251

77 ЙИЛЛИГИ НИШОНЛАНМАГАН НАТО ШИМОЛИЙ АТЛАНТИКА ШАРТНОМАСИ ТАШКИЛОТИ (North Atlantic Treaty Organization, Организация Североатлантического договора) – 1949 йилда тузилган ҳарбий-сиёсий ташкилот, иттифоқ. Шимолий Атлантика шартномасининг 5-моддасига мувофиқ, шартнома иштирокчилари “Европа ёки Шимолий Америкада аъзо давлатларнинг бирор-бирига қарши амалга оширилган қуролли ҳужум уларнинг барчасига қарши ҳужум сифатида баҳолайди ва бу каби ҳужум содир бўлган тақдирда, уларнинг ҳар бири БМТ Низомининг 51-моддасида белгилаб қўйилган индивидуал ёки коллектив ўз-ўзини мудофаа қилиш ҳуқуқини амалга ошириш доирасида бундай ҳужумга учраган шартнома иштирокчисига ёрдам кўрсатади…”. Ушбу норма илк бор 2001 йилнинг 11 сентябрида АҚШда амалга оширилган террорчилик актлардан сўнг ишга тушди. Ушбу воқеалар ташкилот аъзоларига коллектив ўз-ўзини мудофаа қилиш ҳуқуқини берувчи ҳолат деб баҳоланди. НАТО тузилмаси сиёсий ва ҳарбий таркибий қисмларга бўлинади. Шимолий Атлантика Кенгаши НАТОнинг олий сиёсий органи ҳисобланиб, унинг кун тартибига амалда ҳар қандай масала қўйилиши мумкин. 1994 йилда НАТОнинг Тинчлик йўлида ҳамкорлик дастури жорий этилди. Ўзбекистон 1992 йилда Шимолий Атлантика ҳамкорлиги кенгашига, 1994 йилда дастурга қўшилди. 2024 йилга келиб, Финляндия ва Швециянинг НАТОга қўшилиши билан унинг аъзолари сони 32 тага етди. НАТОнинг қароргоҳи Брюссель шаҳри (Бельгия)да жойлашган. Миллий ва халқаро хавфсизлик. Луғат-маълумотнома / И.И.Бобоқулов. Қайта ишланган ва тўлдирилган иккинчи нашри. – Тошкент: Олий мактаб, 2025 – 173 б. ✅Kanalga ulanish: 👉🏻@uz_sfa