Post #1382

⚡️КИМ МИНЕРАЛЛАРНИ НАЗОРАТ ҚИЛСА, У КЕЛАЖАКНИ БОШҚАРАДИ ⚡️Ҳозиргача дунёни нефть бошқарган бўлса (у ҳали ҳам муҳим аҳамиятга эга), бугун у аста-секин литий, кобальт, никель ва бошқа нодир элементларга ўрин бўшатмоқда. Бу – 17 турдаги минераллар гуруҳи бўлиб, уларсиз на электромобилларни, на шамол генераторларини, на замонавий қуролларни тасаввур қилиб бўлмайди. Уларнинг талаби жадал суръатларда ошиб бормоқда ва улар глобал сиёсатнинг муҳим омилига айланмоқда. 📌Доналд Трамп АҚШнинг Хитой таъминотига қарамлиги ҳақида очиқ гапирмоқда. Ҳатто Украина инқирози доирасида ҳам нодир металлар вақти-вақти билан тилга олинади – мамлакат ҳудудидаги конлар ушбу можародаги яширин ютуқлардан бири деб аталмоқда. 💡Хитой жаҳон қазиб олиш ҳажмининг қарийб 70 фоизини назорат қилади, аммо энг асосийси – қайта ишлаш ҳам унинг қўлида. Айнан шу ерда хомашё саноат учун яроқли материалга айланади. Ҳатто бошқа мамлакатлардан олинган руда ҳам кўпинча якуний ишлов бериш учун Хитойга юборилади. Бу эса Пекин учун бутун дунёдаги нархлар ва ресурсларнинг мавжудлигига таъсир ўтказишда реал дастак бўлиб хизмат қилади. ❗️Геологик жиҳатдан эса манзара бошқача. Жаҳон захираларининг тахминан 21 фоизига эгалик қиладиган Бразилия уларни деярли ўзлаштирмайди. Ҳиндистонда қарийб 6,9 миллион тонна, Австралияда 5,7 миллион, Россия ва Ветнамда эса 3–4 миллион тоннадан захира бор. Ўзининг 1,9 миллион тонналик камтарона захирасига эга бўлган АҚШ импортга қарамликни камайтириш учун ўз қазиб олиш саноатига фаол сармоя киритмоқда. 🔥Демак, ресурслар кўринганидан анча кенгроқ тарқалган. Шунчаки, уларни қазиб олиш ва қайта ишлаш учун на Бразилияда, на бошқа аксарият мамлакатларда ҳозирча инфратузилма йўқ. Шундай экан, ким биринчи бўлиб қазиб олишдан то қайта ишлашгача бўлган тўлиқ циклни йўлга қўйса, ўша янги энергетика иқтисодиётининг марказида бўлади. ✅Kanalga ulanish: 👉🏻@uz_sfa