Post #1432

РИСК (risk, риск) – ижтимоий хавфлилик даражасига кўра, хавфнинг энг кичик тури, шакли. Риск – бу бевосита субъект фаолияти натижасида вужудга келиши эҳтимоли бўлган салбий (номувофиқ) ва номақбул вазият ҳисобланади. Шунинг учун хавфнинг мазкур турини хавфсизлик субъектининг “онгли фаолияти” маҳсули сифатида кўриш мумкин. Мисол учун, расмий ҳукумат атом электростанциясини қуришга оид қарорни, бир томондан, у эга бўлиши кутилаётган иқтисодий (сиёсий) дивиденд, иккинчидан, турли технологик ва табиий жараёнлар сабабли вужудга келиши мумкин бўлган эҳтимолдаги зарар (риск)ни инобатга олиш асосида қабул қилади. Хавфнинг бошқа турлари каби рискни баҳолаш ваколатли давлат органлари ва экспертлардан юқори малака ҳамда тизимли равишда ташкил этилган ахборот-таҳлилий фаолиятни тақозо этади. Миллий ва халқаро хавфсизлик. Луғат-маълумотнома / И.И. Бобоқулов. – Тошкент, 2025 ✅Kanalga ulanish: 👉🏻@uz_sfa