Post #489

«Политическая наука» журнали Россияда сиёсатшунослик соҳасидаги етакчи даврий нашрлардан бири ҳисобланади. У Россия Федерацияси Олий Аттестация Комиссиясининг рўйхатига киритилган бўлиб, унда сиёсий фанлар бўйича номзодлик ва докторлик диссертацияларининг асосий илмий натижалари чоп этилиши шарт. «Политическая наука» журнали Россия илмий-ахборот маркази Оқ рўйхатининг 1-даражасига ва Web of Science платформасидаги Russian Science Citation Index базасига киритилган. Журнал 1997 йилдан бери чоп этиб келинмоқда ва рус тилини биладиган хорижий тадқиқотчилар орасида ҳам таниқли. Журналнинг таъсисчиси Россия Фанлар академиясининг Ижтимоий фанлар бўйича илмий ахборот институти ҳисобланади. У Россия сиёсий фанлар ассоциацияси (РАПН) ҳамкорлигида нашр қилинади. «Политическая наука» журнали ўзининг аниқ ифодаланган мавзу йўналишига эга бўлиб, бу уни бошқа сиёсий фанлар журналларидан ажратиб туради. Аввало, у сиёсатшунослик фани ва унинг алоҳида йўналишларининг ҳолати, замонавий ютуқларни кўриб чиқиш ва таҳлил қилишга қаратилган. Нашрлар рўйхатида сиёсий тадқиқотларни ривожлантириш учун алоҳида аҳамиятга эга бўлган методологик характердаги мақолалар ва бошқа материаллар марказий ўринни эгаллайди. Журналнинг ўзига хос хусусияти ахборот ва таҳлилий характердаги жанрлардан мунтазам фойдаланиши, шунингдек, бошқа илмий журналлар, тадқиқот марказлари ва лойиҳаларни тақдим этишидир. P.S.: Сиёсий фанлар академияси телеграм каналида «Политическая наука» журналининг 2024-2025 йилларда чоп этилган сонларининг электрон вариантини Сизларга тақдим этиб борамиз. 👉🏻Каналга уланиш – @uz_sfa