Post #494

Оливе Ассаяснинг сиёсий триллери – "Кремль сеҳргари" Яқинда Gaumont кинокомпанияси ўзининг расмий YouTube каналида ушбу фильмнинг илк трейлерини эълон қилди. Фильмнинг премьераси 2025 йил 31 августда Венеция кинофестивалида бўлиб ўтди, у ерда фильм танлов дастурида намойиш этилди. Экранларга тарқатиш 2026 йил 21 январда бошланади. Сюжет: Фильм воқеалари 1990 йиллар бошидаги Россияда кечади. Бош қаҳрамон — телепродюсер Вадим Баранов бўлиб, у сиёсий технолог ва келажакдаги Россия президентининг маслаҳатчисига айланади. Унинг нигоҳидан томошабин мамлакатнинг янги сиёсий воқелиги қандай шаклланаётганини кузатади. Фильм Францияда шуҳрат қозонган Жулиано да Эмполи романи асосида суратга олинган. Суратга олиш ишлари Латвияда олиб борилди, у ерда 1990 йиллар муҳити қайта яратилди. Кинокартина 35 мм плёнкага суратга олинган, бу эса унга ўша давр хроникасини эслатувчи ўзига хос донадорликни берган. Кремль интерьерларини суратга олиш учун Францияда махсус декорациялар қурилган. Режиссёр Оливе Ассаяс таъкидлашича, картина биографик фильм эмас, балки замонавий сиёсат ва унинг механизмларини чуқур тадқиқ этишдир. 👉🏻Каналга уланиш @uz_sfa