Post #611

Ўзбекистон ССР гимнининг биринчи қаторидан буюк оғага салом беришдан бошланар эди. Биласизми? СССРнинг ўзининг алоҳида гимни ва ундан келиб чиқиб 15 та республиканинг ўз гимн бўлган. Бу гимнларга бошдан-оёқ коммунистик мафкура сингдирилган. Ўзбекистон ССР 1924 йилда ташкил этилган бўлса, унинг гимнининг биринчи варианти 1947 йилда тасдиқланган ва қабул қилинган. Бу давргача иттифоқ таркибидаги кўплаб республикаларнинг ҳам гимни бўлмаган. Мазкур гимннинг матни шоир ва драматург Туроб Тўла билан шоир ва таржимон Темур Фаттоҳ томонидан ёзилган. Унга Мутаваккил (Мутал) Бурҳонов мусиқа басталаган. Бу гимннинг биринчи қаторидан буюк оғага салом беришдан бошланар эди. Ассалом, рус халқи, буюк оғамиз, Ассалом, доҳиймиз Сталин, жонажон, жонажон! Озодлик йўлини Сиз кўрсатдингиз, Советлар элида ўзбек топди шон. Гимнда мамлакатимиздаги ерларни ўзлаштириш, Амударё ва Сирдарё сувларидан фойдаланиш борасидаги ислоҳотлар ҳам киритилган. ...... Серқуёш ўлкада кўрмасдик зиё, Дарёлар бўйида эдик сувга зор, сувга зор. Барқ урди чин қуёш – Ленин доҳиймиз, Йўллади Сталин – биз бўлдик бахтиёр. Бу гимн 1947-1956 йилга қадар янграб турган ва Сталин вафотидан кейин ўзгартирилган. 👉🏻@uz_sfa