Post #612

Ўзбекистон ССР гимнига 1956 йилга келиб нима учун ўзгартиришлар киритилган? 1953 йилда Совет Иттифоқи Коммунистик Партияси Бош котиби бўлган Иосиф Сталин вафот этди. Шундан кейин, орадан уч йил ўтиб, яъни 1956 йилда КПСС Марказий қўмитаси съездида Компартиянинг биринчи котиби Н.С.Хрушев «Шахсга сиғиниш ва унинг оқибатлари ҳақида» номли маъруза ўқиган. КПСС Марказий Қўмитасининг «Шахсга сиғиниш ва унинг оқибатларини бартараф этиш тўғрисида»ги қароридан кейин Сталин номига бўлган муносабат кескин ўзгарган. Бу докладдан кейин, Сталин шаънига ҳамд-сано ўқиб юрганларнинг қарашлари ўзгарди. Бу сиёсат Ўзбекистон СССРнинг ҳам гимнига тааллуқли эди. Юқоридаги гимнда биринчи бўлиб, рус халқи бўлган буюк оғамизга салом берсак, иккинчи бўлиб, – Ассалом, доҳиймиз Сталин, жонажон, жонажон! дер эдик. Гимнда Сталин сўзи икки марта такрорланган эди. Ана шу сўзлар ўзгартирилди. «Ассалом, доҳиймиз Сталин, жонажон, жонажон!» – деган сўзларининг ўрнига «Барҳаёт доҳиймиз Ленин, жонажон, жонажон!» сўзлар билан ўзгартирилди. Шундан кейин гимн 1956 йилдан то 1991 йил мустақилликка эришгунимизга қадар ҳам куни эрта тонгдан радио ва телеведениеда жаранглаб турди. 👉🏻Каналга уланиш @uz_sfa