Post #615

Парагвай Парагвай Республикаси – Жанубий Американинг марказий қисмида жойлашган давлат. Майдони - 406,8 минг км². Аҳолиси - 7,35 млн. киши (2025). Пойтахти – Асуньсон шаҳри. Амалдаги конституцияси 1992 йил 21 июнда қабул қилинган. Давлат ва ҳукумат бошлиғи – президент (2023 йилдан Сантьяго Пенья), у умумий тўғри овоз бериш йўли билан 5 йил муддатга сайланади. Парламент беш йиллик муддатга аҳоли томонидан сайланадиган 45 сенатор ва 80 депутатдан иборат икки палатали конгрессдир. Сенаторлар умуммиллий партия рўйхатлари бўйича, Депутатлар палатаси аъзолари эса департаментлар ва пойтахт округидан сайланади. Сенат Олий суд, қуролли кучлар, полиция ва мамлакат марказий банкининг барча раҳбарларини тайинлашни тасдиқлайди. Конгресс қонунчилик ташаббусини кўрсатиши ва президент ветосини бартараф этиши мумкин. 👉🏻Каналга уланиш @uz_sfa