Post #644

82 йил олдин СССР давлат гимни тасдиқланган эди 1922 йилда СССР ташкил этилиши билан бу давлатнинг гимни сифатида инқилобга чорловчи қўшиқ бўлган «Интерноционал»дан фойдаланилди. Бу жараён 1922 йилдан то 1943 йилга қадар давом этган. «Интерноционал»нинг мазмунида жаҳон революциясига чорлов акс эттирилганлиги сабабли, ундан воз кечилиб, янги гимнни яратиш учун танлов эълон қилинган. Янги гимн СССР халқларини бирлаштириб туришга хизмат қилувчи ва коммунизм мафкурасини ўзида акс эттириши лозим эди. Очиқ танловда 19 шоирлар томонидан гимннинг турли матн вариантлари тайёрланган. Ушбу гимнларга 170 та композитор томонидан 223 та мусиқа басталанган. Улар танлов асосида қабул қилинган. 1943 йил 14 декабрда ... Марказий қўмитанинг сиёсий буюроси томонидан тасдиқланган. Эркин ўлкалардан Улуғ Рус диёри Яратди қудратли, аҳил оила. Бирлаштирди мангу халқлар ихтиёри, Совет Иттифоқи, яша ва гулла! P.S. СССР давлат гимнининг биринчи бандида Совет Иттифоқининг ташкил топиш ғояси, унинг асосини ташкил этган халқлар дўстлиги ва бирдамлиги ифода этилган. Унда турли миллат ва халқлар ўз хоҳиши билан, абадий иттифоққа бирлашгани улуғланади. Маълумки, тарихий воқеликда мавжуд бўлган бошқа халқларни ерларини босиб олиш ва мажбурий бирлаштириш жараёнлари гимнда ихтиёрий бирлашув сифатида талқин қилинган. СССРдаги сиёсий жараёнлардаги ўзгаришлардан келиб чиқиб, гимннинг матни ҳам ўзгариб турган. 1970 йилда гимн матни қайта таҳрир қилинган. Мазкур гимн 1991 йил 25 декабрида Совет Иттифоқининг тарқатилиш кунида охирги марта ижро этилган. Шуни таъкидлаш ўринлики, СССРнинг гимнида коммунизм мафкураси яққол акс этган эди. Ўлмас коммунизм порлоқ ғоялари Юртнинг келажагин ёритар аён, Қўлларда Ватаннинг музаффар ялови, Унга қалбларимиз содиқ ҳар қачон! ... Бизга эрк қуёши бўрон оша балқди Ва Ленин ёритди йўлларимизни: Адолат учун у отлантирди ҳалқни, Руҳлантирди мардлик, меҳнатга бизни! 👉🏻Каналга уланиш @uz_sfa